Segurista ba talaga ang Gatchalians?

IBANG klase talaga ang pamilya Gatchalian.

Mula sa negosyong plastic ay nakalipat ang buong angkan nila sa ‘negosyong politika’ ‘este sa pamumuno sa mga taga-Valenzuela city…

Nakaligtas sa eskandalo ng politika sa kabila na kilalang alyado ni ousted and convicted plunderer Joseph “Erap” Estrada.

Mula sa pagiging bagito ay kinilalang stalwart ng Nationalist People’s Coalition (NPC) dahil sa katas ng yaman mula sa plastic… hik hik hik…

Mula sa pagiging number one air pollutant ng kanilang produktong plastic sa Valenzuela, nagawa nilang maging ‘bayani’ sa paningin ng constituents dahil sa ipinagawang mga impraestruktura at kalsada na animo’y galing sa bulsa nila ang ipinangpagawa.

Of course, lahat ng politiko ay ganyan, nagpapagawa ng iba’t ibang gusali at impraestruktura mula sa pera ng sambayanan pero kung makaasta ay tila galing sa kanilang sariling bulsa.

Nakita na natin ang bagsik ng pagiging linta ng mga Gatchalian.

Nitong mga nakaraang buwan bago makasuhan ang mag-amang VP Jejomar Binay at Mayor Junjun Binay, kahit na ang mga Gatchalian ay kilalang stalwart ng NPC na mahigpit na kaalyado ngayon ng Liberal party sa Kongreso, ay panay ang salita nila pabor sa mga pinagbibintangang ‘plunderer’ ng Makati City.

Pero nitong naging matunog at maingay ang tila planong pagiging running mates nina senators Grace Poe at Francis “Chiz” Escudero, nagsalita ang NPC national spokesperson na si Rex Gatchalian, nanatili raw ang personal na relasyon at pagkakaibigan nila sa lalaking senador.

How sweet naman!

‘Yan ‘e kahit, tumiwalag sa kanila si Chiz nang hindi nakakuha ng basbas para tumakbong presidente?! 

Kung hindi pa sana alam ng sambayanan na planong tumakbong senador ni Sherwin ‘e baka paniwalaan pa natin ang statement na ‘yan.

S’yempre,  malaking bagay kung maraming kaibigan na senador at ilang beses nang nagtagumpay sa eleksiyon ang magiging kadikit ng isang nangangarap na maging senador.

Kaya naman kaduda-duda kung ano ang tunay na motibo sa pagpapahayag nang ganito ni Rex.

Nang tila bumantot ang popularismo ni Binay ‘e bigla nilang nasipat ang oportunidad na mas pabor kung sa mabangong popularidad ni Sen. Grace sila makadidikit.

Talaga namang pinabibilib ninyo kami nang husto Gatchalian clan!

Puwede na kayong tanghaling ‘KING OF TWISTS.’            

Ngayon komo mas marami ang natutuwa kay Sen. Grace, ‘e parang sa kanya n’yo naman gustong dumikit?!

Hunyangong-hunyango lang ang peg, ha!?

Kayo na talaga, mga Gatchalian!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com