P1-B inilaan sa rehab ng Angat Dam Para maging quake proof (Para maging quake proof)

ISANG bilyong piso ang inilaan ng administrasyong Aquino para sa rehabilitasyon ng Angat Dam para maging earthquake-proof ito.

Sinabi ni Pangulong Benigno Aquino III, umaasa siyang makakayanan nang mas pinatibay na Angat dam ang posibleng epekto nang malakas na lindol sakaling gumalaw ang pinangangambahang West Valley Fault.

Sa kanyang talumpati kahapon makaraan ang inspeksiyon at project briefing sa isasagawang rehabilitasyon ng dam sa Norzagaray, Bulacan, iginiit ng Pangulo na mahalagang maging matatag ang pasilidad para maiwasan ang malawakang pinsala.

Simula noong 1967 ay hindi pa nakatitikim ng rehabilitasyon ang water dam at ngayon lamang isasailalim sa malawakang pagkukumpuni. Tatagal ng hanggang 2017 ang rehabilitation project na popondohan ng P1.08 billion o 414 million dollars mula sa mga pribadong kompanya.

Rose Novenario