Chris Brown pinigil sa NAIA

HINDI pinahintulutan ng mga awtoridad na makaalis ng bansa ang Grammy nominated singer na si Chris Brown dahil sa reklamo ng isang religious sector.

Ito’y alinsunod sa inilabas na lookout bulletin ng Department of Justice (DoJ) laban kay Brown kaugnay sa pag-isnab sa dapat sana’y New Year’s Eve concert niya sa Philippine Arena sa Bulacan noong nakaraang taon.

Kung maaalala, nag-sorry si Brown sa kanyang Filipino fans nang bigong makapunta sa Filipinas dahil sa sinasabing pagkawala ng kanyang passport.

Samantala, makaraan ang first ever major concert kamakalawa ng gabi, nabatid na naka-schedule na sana ang flight ni Brown patungo sa Hong Kong lulan ng private plane dakong 1 p.m. kahapon.

Ngunit inabisohan ng Civil Aviation Authority of the Philippines (CAAP) ang 26-year-old RnB superstar na kumuha muna ng clearance. 

JSY