Bus pwede nang bumiyahe sa NAIA 3

BINIGYAN ng Land Transportation and Franchising Regulatory Board (LTFRB) ng special permit ang 55 city buses para bumiyahe hanggang sa NAIA Terminal 3 simula ngayong araw.

Ayon sa pangasiwaan ng Manila International Airport Authority (MIAA), mas kakaunti ang pampublikong sasakyang dumaraan sa Terminal 3 kung kaya’t nakipag-ugnayan  sila  sa  LTFRB  upang solusyonan ito.

Sa bagong iskema, daraan sa NAIA Road ang mga bus mula sa Roxas Boulevard. Babagtasin ang Domestic Road, Andrews Avenue at ang Circulo del Mundo na magsisilbing bus stop para sa mga pasahero ng Terminal 3.

Ayon kay MIAA General Manager Jose Angel Honrado, umaasa ang pangasiwaan na magiging simula ito ng paghahatid ng mas mainam na serbisyo para sa mga nangangailangan ng transportasyon mula sa NAIA.

Nagpasalamat din si Honrado sa maagap na pagtulong ng LTFRB.

Muling magkikita ang mga opisyal ng MIAA at LTFRB sa katapusan ng buwan upang suriin ang bagong iskema.

GMGaluno