Fork lift operator todas sa freak accident (Blade tumilapon)

NATUSOK sa dibdib, ulo at nabale ang kaliwang braso ng isang 58-anyos forklift operator makaraan kumalas at bumagsak sa bubungan ng kanyang pinatatakbong forklift truck ang forklift blade sa loob ng isang barkong nakadaong sa Pier 18, North Harbor, Vitas, Tondo, Maynila, kamakalawa ng gabi.

Ayon sa imbestigasyon ni SPO2 Donald Panaligan, ng Manila Police District-Homicide Section, naganap ang insidente dakong 6:46 p.m. sa loob ng LCT Akira na nakadaong sa nabanggit na lugar.

Nabatid na minamaneho ng biktimang si Rizalde Aisa, 56, ng Brgy. 105, Block 5, Magsaysay Village, Tondo, Maynila, ang forklift truck at akmang kukunin ang isang container van nang bumigay ang porklift blade at siya ay nabagsakan.

Sinabi ni Adolfo Sarbasa, 64, ship captain, hindi na nakaalis sa drivers seat ang biktima at dito na siya binawian ng buhay.

Leonard Basilio, may kasamang ulat nina Angelica Ballesteros, Rhea Fe Pasumbal, Anne Marielle Eugenio at Beatriz Pereña