SONA ni PNoy pakinggan muna  — Palasyo (Apela sa kritiko)

TIKOM ang ang bibig ng Malacañang kaugnay sa inihahandang State of the Nation Address ng Pangulong Benigno “Noynoy” Aquino sa Hulyo 27.

Sinabi ni Communications Sec. Sonny Coloma, patuloy ang ginagawang paghahanda ni Pangulong Aquino lalo sa data & figures na gagamitin.

Ayon kay Coloma, wala pa silang maibabahagi sa publiko dahil nasa Pangulong Aquino raw ang pinal na desisyon kung alin sa naiharap na script ang gagamitin.

Noong nakaraang linggo, halos araw-araw pulungin ni Pangulong Aquino ang kanyang mga script o speechwriters para plantsahin ang talumpati na ihahayag sa huling pagkakataon.

Giit ni Coloma sa mga kritiko, mas mabuting hintayin na lamang ang SONA ng Pangulong Aquino bago husgahan.