Bebot hinati katawan, ulo inilagay sa maleta

INAALAM pa ng mga awtoridad kung ginahasa ang isang babae na natagpuan ang hubad na kalahating katawan sa loob ng maleta sa Zigzag Road, Rodriguez, Rizal kamakalawa ng gabi.

Ayon kay Supt. Robert Baesa, hepe ng Rodriguez PNP, nakita ni Rommel Sison, Brgy. San Jose volunteer, ang pagtapon sa maleta ng isang lalaking sakay ng kotseng walang plaka dakong 7 p.m. sa lugar.

Tinangka niyang buksan ang maleta ngunit nabigo siya dahil naka-lock ito kaya ipinagbigay-alam niya sa mga awtoridad.

Nang mabuksan ay tumambad ang hubad na kalahating katawan ng babae na nakabalot sa plastic ang ulo.

Naniniwala ang pulis-ya na biktima ng summary execution ang babae at itinapon lamang sa lugar ang bangkay upang iligaw ang imbestigasyon.

Inaalam ng mga awtoridad kung nakuhaan ng CCTV ang insidente sa nasabing lugar.

Ed Moreno