HATAW! D'yaryo ng Bayan hatawtabloid.com
IN ang tsismis sa hiwalayan blues sa showbiz? Pagkatapos ang chism na may pinagdaaranan ang relasyon nina Sarah Geronimo at Matteo Guidicelli, John Lloyd Cuz at Angelica Panganiban sina Zanjoe Marudo at Bea Alonzo naman ang napapabalitang may problema sa relasyon nila.
Bagamat para sa TFC Fiesta Caravan 2015 ang pinuntahan ni Zanjoe sa Madrid, hindi pa rin maiwasan ang intrigang bakit hindi isinama ang kanyang girlfriend na si Bea? Nasanay na ang netizens na palaging kasama si Bea ‘pag nagpupunta sa abroad ang actor.
Pero naalala namin, hindi naman kasama si Bea noong magpunta sa Japan ang cast ng Banana Split pero roon naman na-blind item si Zanjoe na nagdala umano ng ibang babae sa kanyang hotel na agad din n’yang pinabulaanan.
Sa interview naman ng TV Patrol kay Bea, inamin niya na dumaraan sa pagsubok ang relasyon nila ni Z.
“Siyempre, who doesn’t want to stay in a beautiful relationship, ‘di ba? So, nandoon kami,” sey pa niya.
Balitang inaayos din ng dalawa kung anuman ang pagsubok na pinagdaraanan ng relasyon nila.
Samantala, hindi pa tuluyang nakababalik si Zanjoe sa gag show na Banana Split: Extra Scoop pero nag-guests ito ng dalawang episodes pagkatapos ng serye niyang Dream dad.
TALBOG – Roldan Castro
