Gabay ng Seniors at GracePoe 2016 nagbuklod sa TakboPoe

Nagkaisa ang mga lider ng GracePoe 2016 Movement at Gabay ng Seniors sa panawagang tumakbo sa darating na May 2016 Presidential Election si Senador Grace Poe sa paniniwala na magiging mabuting pinuno ito ng bansa.

“Kaming mga Senior Citizen ay nananalig sa malinis at walang kulay na prinsipyo ni Sen. Poe kaya nananawagan kami sa lahat na isulong ang Takbo Poe!” ani Wainwright Rivera, pangulo ng Gabay ng Seniors.

Sinabi naman ni GP2016 Founder Bobby Reyes na natutuwa silang makipagkaisa sa Senior Citizens para sa panawagang TakboPoe.

“Sila ang magiging pundasyon ng aming samahan dahil hindi lang sila marami kundi may hinog nang kaisipan para sa kaunlaran  ng ating bayan,” diin ni Reyes.

Nangako sina Rivera, Reyes at tanyag na negosyanteng si Ed Manuel ng business sector na paiigtingin nila ang kampanya para sa TakboPoe upang matiyak na mananalo si Sen. Poe na may malinis na integridad at hangarin para sa ating bansa.