36 patay sa paglubog ng bangka sa Ormoc

TACLOBAN – Umaabot na sa 36 katao ang patay sa paglubog ng motor banca sa karagatan ng Ormoc kahapon ng tanghali.

Ayon kay Capt. Pedro Tinampay ng Philippine Coast Guard Eastern Visayas, 36 bangkay na ang narekober.

Habang sinabi ni Lt. Gamit ng Ormoc police, 173 ang sakay ng MB Nirvana B nang lumubog.

Mula ang bangka sa Ormoc pier at patungo sana ng Camotes Island sa Cebu.

Sinasabing overloaded ang MB Nirvana habang masama ang panahon kahapon sa Ormoc.

Nasa 127 katao na ang nasagip ng mga awtoridad.

Patuloy pa ang search operation sa 10 pang missing na pasahero.

Leonard Basilio

Rescue operation sa lumubog na bangka paigtingin (Utos ni PNoy sa PCG)

INATASAN ni Pangulong Benigno Aquino III ang Philippine Coast Guard (PCG) na paigtingin ang rescue operation para hanapin ang lahat ng nawawalang pasahero nag lumubog na bangka sa Ormoc City kahapon.

“President has been apprised of the incident and has directed PCG to exert all efforts to look for those who remain missing. We continue to monitor the progress of the rescue,” sabi ni Deputy Presidential Spokesperson Abigail Valte.

Rose Novenario