Inaway ni misis mister nagbigti (Pamilya ipinasundo muna)

NAGA CITY – Natagpuang nakabigti ang isang 31-anyos lalaki sa Brgy. Ilog, Infanta, Quezon kamakalawa.

Kinilala ang biktimang si Irwin Lutado, 31-anyos.

Ayon sa ulat, hindi inaasahan ng ama na seryoso pala ang akalang biro ng kanyang anak na magpapakamatay.

Nabatid na ipinasundo ng biktima ang kanyang ina at asawa sa kanyang ama dahil malapit na raw siyang mamatay.

Sa pag-aakalang biro lamang ang sinabi ng anak ay inayunan ng ama ang sinabi ng biktima ngunit nang ma-kabalik sa bahay ay wala na si Irwin.

Isang kabarangay nila ang nakakita sa katawan ng biktima habang  nakabigti sa puno ng santol. Nabatid na nagkaroon ng hindi pagkakaunawaan ang biktima at ang misis na sinasabing dahilan ng kanyang pagpapakamatay.