Strong Champion nakalalamang

Sa darating na Linggo ay idaraos sa pista ng Metro Turf Club ang “17th PHILTOBO Gintong Lahi Awards at PHILTOBO Racing Festival”. Kabilang sa malaking pakarera sa araw na iyan ay ang unang serye ng 2015 PHILRACOM “Imported/Local Challenge Race” na kinabibilangan ng mga kabayong sina Divine Zazu (Aus), Nemesis (Phi), Macho Machine (Phi), Saturday Magic (Aus), Spinning Light (Aus), Star Belle (Aus) at Strong Champion (Aus).

Base sa kanilang mga naitalang rekord ay nakalalamang ang kalahok na si Strong Champion, dahil bukod sa sanay na siya sa malalakas na labanan ay angkop pa para sa kanya ang distansiyang 1,400 meters. Ang mga maaaring magbigay ng laban ay sina Divine Zazu at Spinning Light, pambulaga sa meta ang dehadong si Star Belle.

Mga puwedeng abangan sa Metro Turf ay sina Gold On Fire, Fickle, Fearless Boss, Batang Craig, Buhawi, Lady Marilyn at ang bagitong mananakbo na si Keeper Of Grace. Isama na rin ang mga sasakyan ni jockey Richard V. Brady na magdiriwang ng kanyang kaarawan, Happy Birthday Richard.

ni Fred L. Magno