Manhunt ikinasa vs serial holdaper, rapist sa Kyusi

TINUTUGIS na ng pulisya ang suspek sa walong magkakasunod na holdap at ginahasa pa ang ilang kustomer sa iba’t ibang establisemento sa Quezon City. 

Inilarawan ng mga biktima ang suspek na may taas na 5’7 hanggang 5’8 at laging nakasuot ng bull cap kapag nambibiktima. 

Iisa ang modus niya sa pagsalakay sa mga establisemento na iginagapos at ipinapasok sa comfort room ang mga biktima, pinaghuhubad ang lahat ng mga customer at tinatangay ang mga CCTV recorder.

Batay sa rekord ng Quezon City Police District (QCPD), unang umatake ang kawatan sa isang derma clinic sa Maginhawa St., sa University of the Philippines (UP) Village noong Disyembre 23, 2014. 

Noong Enero 22 at 23, magkakasunod niyang hinoldap ang isang coffee shop sa E. Rodriguez Avenue, isang spa sa Tomas Morato Avenue at isa pang restaurant sa East Avenue. 

Isinunod ng suspek ang isang tea house sa Regalado Avenue sa Fairview noong Enero 26.

Nilooban din niya ang isang furniture shop sa Katipunan Avenue at hinalay ang isang empleyada noong Enero 27 habang pinasok din ang isa pang restaurant sa Commonwealth Avenue sa Lagro noong Pebrero 2. 

Nitong Lunes lamang isang cofee shop din sa Brgy. Holy Spirtit ang hinoldap ng suspek at binaril at napatay ang isang Koreana na si Mik Kyung Park. Hinalay rin ng suspek ang dalawang customer. 

HNT