Villar nanguna sa paglagda sa Convention on Wetlands of International Importance

PINANGUNAHAN ni Senadora Cynthia Villar ang   anibersaryo ng paglagda sa “Convention on Wetlands of International Importance” sa pamamagitan ng paglilinis sa Las Piñas-Paranaque Critical Habitat and Eco-Tourism Area (LPPCHEA).

Ayon kay Villar, ang pagdiriwang ay isang pagkakataon upang makatawag ng atensiyon kaugnay ng lumalalang kondisyon ng LPPCHEA dahil sa hindi maayos na waste management kaakibat ng planong reklamasyon sa Manila Bay.

Idineklarang “protected area” ang 175-hectare na LPPCHEA na nasa baybayin ng Manila Bay sa bisa ng Presidential Proclamation No. 1412. Ang LPPCHEA ay may 30 ektaryang mangrove forest at bird sanctuary.

Bukod sa LPPCHEA, kabilang din sa ibang wetlands ng Filipinas na nasa Ramsar List ang Puerto Princesa Subterranean River National Park sa Palawan, Tubbataha Reefs National Marine Park sa Sulu, Agusan Marsh Wildlife Sanctuary, Naujan Lake National Park sa Oriental Mindoro at ang Olango Island Wildlife Sanctuary sa Cebu.

Nilagdaan sa Ramsar, Iran, noong February 2, 1971 ang Convention on Wetlands.  Ipinagdiwang sa kauna-unahang pagkakataon ang World Wetlands Day noong 1997.

Simula noon, nagsagawa ng mga aktibidad ang mga nagsusulong sa kahalagahan ng wetlands sa buong mundo. Ang tema ng pagdiriwang ngayong taon ay “Wetlands for Our Future.”

Cynthia Martin