Epileptic tigok sa atake habang ‘high’ sa solvent

NANGISAY ang isang epileptic makaraan tumama ang ulo sa bumper ng isang sasakyan nang atakehin ng kanyang sakit habang sumisinghot ng solvent kamakalawa ng gabi sa Tondo, Maynila.

Ang hindi pa nakikilalang biktima ay tinatayang 25 hanggang 30-anyos, 5’3 ang taas, katamtaman ang pangangatawan, nakasuot ng T-shirt na puti at walang sa-pin sa paa.

Ayon kay SPO3 Glenzor Vallejo, dakong 9 p.m. nang maganap ang insidente sa Morga St. kanto ng Sta. Maria St., Tondo, Maynila.

Sa salaysay ng saksing si Daniel Ignacio, 30, scavenger ng 1360 Madrid Street, Tondo, habang sumisinghot ng solvent ang biktima nang biglang inatake kaya natumba ngunit tumama ang ulo sa bumper ng isang nakaparadang sasakyan sa lugar. Agad siyang humingi ng saklolo para isugod sa pagamutan ang biktimang nangingisay ngunit hindi na umabot nang buhay sa Mary Jhonston Hospital.

Leonard Basilio