3-anyos patay sa SUV

Patay  ang isang 3-anyos paslit makaraan mahagip ng isang nag-overtake na sport utility vehicle habang tumatawid sa kalsada kasama ang kanyang ina at kapatid kamakalawa ng hapon sa Sampaloc, Maynila.

Ayon sa imbestigasyon ni PO2 Erickson Dacanay, naganap ang insidente dakong 4 p.m. habang tumatawid ang biktimang si Julius Jacobe, 3, ng 2257 Int. Felipa St., Sampaloc, Maynila sa panulukan ng Blumentritt Extension at Ilaw ng Nayon St., Sampaloc, Maynila, habang hawak sa kamay ng kanyang inang si Xysa Damaso kasama ang isa pang anak.

Nasa center island na ang mag-iina nang  dumating ang isang Mio Sport motorcycle (1482 PF) na minamaneho ni Rodolfo Pascua, 54, residente ng 991 B, Int. 3 Dagupan St. Tondo, Maynila. Ngunit nag-overtake sa motorsiklo ang isang Isuzu IPV (WRX-396) na minamaneho ni Alfredo de los Santos, 51, ng 22 Botocan St., Araneta Avenue, Quezon City, at nasagi ang biktima.           

Leonard Basilio