May sayad na bebot tinurbo ng senglot

CEBU CITY – Ginahasa ng isang lasing na lalaki ang isang 20-anyos babaeng may diperensiya sa pag-iisip sa Brgy. Basak, Lungsod ng Lapu-lapu, Cebu kamakalawa.

Ayon sa ulat ni Senior Insp. Juan Capacio, hepe ng Lapu-Lapu City Police Office (LCPO) Station 4, nasa higit 20-anyos ang biktima na taga-Cordova, Cebu.

Madalas aniyang nakikita ang biktima na gumagala sa Tamiya St. ng Sitio Ibabao Brgy. Basak ng nasabing lungsod.

Habang kinilala ang suspek na si Achilles Ababon, 33, may asawa at tubong Dinagat Island, Surigao del Norte.

Sa imbestigasyon nina PO1 Mark Moralde at PO1 Jason De Guzman, kinombinsi ng suspek ang biktima na sumama sa kanya sa madilim na bahagi ng lugar.

Mabuti na lamang at nakita ng isang residente ng nasabing lugar at sinita ang suspek sa panghahalay.

Mahigpit na pinabulaanan ng suspek ang akusasyon at sinabing hinalikan lamang niya ang biktima at binayaran niya ng P200.

Nasa pangangalaga na ng Department of Social Welfare and Development ang biktima habang naka-detain na ang suspek sa karsel ng Lapu-Lapu City Police Station Station 4.