HATAW! D'yaryo ng Bayan hatawtabloid.com
ZAMBOANGA CITY – Nakapiit na ngayon sa selda ng pulisya ang tatlong lalaki habang pinaghahanap ang dalawang iba pa na itinutu-rong responsable sa pagdukot at paghalay sa isang babae sa bayan ng Buug, lalawigan ng Zamboanga Sibugay.
Base sa pahayag ng 24-anyos biktima sa mga pulis, isa sa limang suspek na kinilalang si Alan Banquiao Ilustrisimo ang siyang gumahasa sa kanya.
Lumalabas sa imbes-tigasyon ng mga pulis ng Buug municipal police station, nitong nakaraang araw puwersa-hang dinukot ng mga suspek ang biktima, isinakay sa motorsiklo at dinala sa isang abandonadong bahay saka roon ginahasa at pagkatapos ay ikinulong ng mga suspek.
Masuwerteng nakatakas ang biktima sa tulong ng ilang residente sa lugar at dumiretso sa himpilan ng pulisya.
Kasunod nito, agad nagsagawa ng follow-up operation ang mga pulis na nagresulta sa pag-aresto ng tatlong suspek na sina Ariel Banquiao Ilustrisimo, 18; Leo Santos Paca-tang, 19; at Leonard Santos Pacatang, 18.
Habang nakatakas ang dalawang iba pa na sina Marvin Laurente at ang sinasabing gumahasa sa biktima na si Alan Banquiao Ilustrisimo.
Karamihan sa mga suspek ay magkakamag-anak lamang at mga out of school youth.
Serious illegal detention at rape ang inirekomendang kaso laban sa mga suspek.
