HATAW! D'yaryo ng Bayan hatawtabloid.com
NAKATAKDANG palayain ng rebeldeng New Peoples Army (NPA) ang kanilang tatlong bihag na miyembro ng Philippine National Police (PNP).
Ito’y makaraan pakawalan ng grupo ang apat na bihag na mga sundalo.
Ayon kay National Democratic Front spokesman Jorge Madlos, nakabase sa Mindanao, plano rin nilang palayain ang tatlong bihag na pulis na sina PO1 Democrito Bondoc Polvorosa, PO1 Marichel Unclara Contemplo, at PO1 Junrie Amper na dinukot ng mga rebeldeng NPA sa Surigao del Norte.
Hindi nabatid kung anong araw sa susunod na buwan planong palayain ng NPA ang tatlong pulis.
Nitong Biyernes, pinalaya ng NPA sina Pfc. Marnel Tagalugon Cinches at Pfc. Jerrel Yorong sa may bahagi ng Malaybalay City sa Bukidnon.
Una nang pinakawalan ng komunistang grupo ang dalawang sundalong Army noong Disyembre 21, na sina Pfc. Alvin Ricarte at Cpl. Benjamin Samano, kay Davao City Mayor Rodrigo Duterte.
