HATAW! D'yaryo ng Bayan hatawtabloid.com
SUGATAN at duguan ang isang traffic enforcer ng Metropolitan Manila Development Authority (MMDA) makaraan sapakin at kaladkarin ng sinitang driver ng luxury car sa kanto ng Araneta Avenue at Quezon Avenue sa Quezon City kahapon.
Kinilala ang biktimang traffic enforcer na si Jorvy Adriatico. Habang kinilala ang suspek sa pamamagitan ng lisensiya na nakuha mula sa Land Transportation Office (LTO), na si Joseph Russell Ingco ng Valencia Hills, Quezon City.
Ayon sa salaysay ni Rodolfo Fernandez, kasamahan ni Adriatico, ga-ling sa Araneta Ave., ang asul na Maserati Marshall na walang plaka at tinangkang kumaliwa sa intersection ng Quezon Ave., patungong EDSA dakong 6 a.m.
Kinunan aniya ng vi-deo ni Adriatico ang motorista na maaaring ikinagalit ng driver kaya dumiretso na lamang sa U-turn slot.
Nag-dirty finger ang suspek na ikinagalit ng MMDA employee kaya hinamon ang driver na ulitin ito.
Pagsapit sa pakanan ng Quezon Ave., huminto ang Maserati at tinawag ng driver si Adriatico.
Paglapit ni Adriatico, hinablot ng luxury car driver ang kanyang damit saka sinapak.
Pinaandar ng driver ang sasakyan habang nakikipambuno at pag-karaan ay tumakas ta-ngay ang cellphone ng biktima.
Jethro Sinocruz
