HATAW! D'yaryo ng Bayan hatawtabloid.com
GENERAL SANTOS CITY – Nakabalik na sa bansa kahapon si WBO welterweight champion Manny Pacquiao, isang araw makaraan manalo kontra sa American boxer na si Chris Algieri sa Macau, China.
Bago mag-5 p.m. lumapag sa GenSan International Airport ang sinasakyang eroplano ni Pacquiao.
Bukod sa mga opisyal ng Sarangani at GenSan, sumalubong din sa Filipino ring icon ang kanyang mga scholar at mga ordinaryong mamamayan para masilayan ang kanilang idolo.
May mga taga-Koronadal City din na fans ni Manny na sumalubong sa kanya.
Pagkaraan ay isinagawa ang motorcade mula sa airport hangang sa downtown area papuntang kapitolyo ng Sarangani sa munisipyo ng Alabel.
Katulad sa mga nakaraang hero’s welcome kay Manny, halos puno ng mga tao ang dadaanan ng motorcade para makita si Pacman.
Nakasuot si Pacman ng kulay brown na jacket sa pagbaba niya ng eroplano.
