22 sugatan sa bus vs truck sa CDO

UMABOT sa 22 katao ang sugatan sa banggaan ng bus at truck sa Tablon Highway, Cagayan De Oro City, Linggo ng hapon.

Batay sa imbestigasyon, paliko ang truck na may kargang buhangin nang banggain ng Rural Bus sa likuran.

Wasak ang harapan at gilid ng bus.

Isinugod sa Capitol University Medical City ang bus driver na si Danilo Ondap na dumanas nang matinding sugat sa ulo, at 21 pasahero na karamihan ay nagalusan lamang.

Sumbong ng ilang pasahero, bago ang banggaan ay tatlong beses na rin silang muntik maaksidente dahil sa pagmamaneho ni Ondap.

Posibleng kasuhan ng reckless imprudence resulting in physical injuries ang driver.

Beth Julian