HATAW! D'yaryo ng Bayan hatawtabloid.com
PINALAGAN ng konseho ng Caloocan ang napakataas na bailbond na iniutos ni Regional Trial Court (RTC) Judge Dionisio Sison sa ha-lagang P100,000 para sa indirect contempt.
Sinabi ni Majority Floorleader Kon. Karina Teh, napakalaki at hindi makataru-ngan dahil mula sa kasong civil na ipinag-utos ng kor-te na magpasa ang konseho ng isang ordinansa para sa pagbabayad sa parcel ng loteng nakuha ng local na pamahalaan sa pama-magitan ng eksproprasyon noong 1996, ngunit ipinagpaliban ang pagpapatupad.
Dahil ito sa naka-pending na kaso sa Court of Appeals na kinukuwestiyon ng konseho ang komputasyon tungkol sa pagbabayad ng kaukulang halaga sa may-ari ng lupa na Recom Realty Corporation.
“Hindi ito makatarungan dahil sobrang taas ng bailbond na ipinataw, nagmumukha na itong paghihiganti dahil ang bailbond ay meka-nismo ng korte na garantiya na ang isang akusado ay kailangang harapin ang kanyang kaso.
At sa tulad namin na nasa serbisyo-publiko, hindi at wala kaming planong magtago sa kasong minana lamang namin sa mga nakalipas na administrasyon,” mariing pahayag ni Caloocan City 1st District Councilor Onet Henzon.
Sinabi niya, ayon sa bailbond guide ng Department of Justice (DoJ), sa armed robbery ay P24,000; sedition – P16,000; adultery – P6,000; assault with physical injuries – P6,000; qualified theft – P24,000; conspi-racy to commit rebellion – P60,000; at forcible abduction – P40,000.
Ang P100,000 na bail ay doble kompara sa mga may kasong kriminal. Sinabi ng mga konsehal na huwag silang sisihin kung nagdududa sila sa tunay na kagustuhan ng judge na nagpalabas nito.
Rommel Sales
