HATAW! D'yaryo ng Bayan hatawtabloid.com
NAGA CITY – Labis ang galit na naramdaman ng isang ina nang malaman na biktima ng panghahalay ang kanyang anak na babae sa Lopez, Quezon.
Sa ulat na ipinadala ng Quezon Police Provincial Office, kinilala ang suspek sa pangalang Lolo Ambet.
Sa imbestigasyon ng pulisya, naglalaro ang 8-anyos biktima kasama ang kanyang kapatid na lalaki sa bahay mismo ng suspek.
Ngunit makaraan ang ilang oras ay bumaba ang kapatid na lalaki ng biktima para makipaglaro sa mga kaibigan.
Bunsod nito, pwersahang hinila ng suspek ang biktima sa kwarto at doon na pinaghahalikan sa labi at hinubaran ng damit hanggang sa halayin ang paslit.
Nabatid na hindi ito ang unang pagkakataon na hinalay ng suspek ang biktima dahil noong Agosto 19 at 20 ng kasalukuyang taon ay nagalaw na rin ng matanda ang bata.
Isinasailalim sa medical examination ang biktima habang inihahanda ang kasong isasampa laban sa suspek.
