Pari sinampal ng ginang sa simbahan (Muntik din sagasaan)

BACOLOD CITY – Kinasuhan ng unjust vexation at threat ng isang pari sa Bacolod Police Station 8 ang isang ginang makaraan siyang sampalin at muntik sagasaan sa loob mismo ng compound ng simbahan.

Ayon kay Father Farley Ray Santillan, parish priest ng San Antonio Abad Church, siya ay dinuro, tinawag na bastos at sinampal ng ginang na kinilalang si Ligaya Lizares, nakatira sa Brgy. 14, Bacolod City.

Dagdag ni Father Santillan, bago umalis ang nasabing ginang sakay ng isang pribadong sasakyan, muntik pa siyang sagasaan.

Hindi nagtagal makaraan umalis si Lizares, dumating ang anak ng ginang at nagsabing sila ang may-ari ng lupang kinatatayuan ng simbahan.

Hindi pa tinutukoy hanggang ngayon kung ano ang pinag-ugatan ng gulo ng mga Lizares at ni Father Santillan.

(BETH JULIAN)