HATAW! D'yaryo ng Bayan hatawtabloid.com
BAGUIO CITY – Umakyat na sa 13 ang patay sa pagkahulog ng private Ford Fiera sa isang bangin sa bayan ng Bangbangay-yen, Buguias, Benguet dakong 5 p.m. kamakalawa.
Namatay na rin dakong 2:30 a.m. kahapon ang isa pang pasahero na si Charee Bestre, 15-anyos.
Kinilala ang iba pang namatay na sina Aquien, Angie T, 15; Madiano, Jera B, 15; Mayao, Jira Flair M, 15; Basatan, Maricel, 13; Simeon, Sherbeith B. 12; Lestino, Jasmine M., 15; Menzi, Minerva S., 16; Dalisdis, Johnray A., 16; Lamsis, Marifaith A.; Agustin, Mheljoy B, 15; at Bestre, Yvone D., 13.
Kabilang din sa namatay sa insidente ang driver ng sasakyan na si Efren Dalisdis.
Habang nanatili pa rin sa ospital na sina Agyapas, Elejoy O., 17; Bankin, Jamerose, 15; at Latuwed, Rheyshan, 18.
Ayon kay Buguias police chief na si Chief Insp. Fernando Botangen, karamihan sa mga biktima ay mga estudyante ng Poblacion National High School sa Buguias na papunta sana sa Brgy. Amlimay, Buguias, Benguet.
Nabatid sa imbestigasyon, paakyat na binabagtas ng naturang sasakyan (ABF 436) ang kalsada sa lugar nang pumara ang tatlong pasahero upang bumaba.
Napag-alaman, huminto ang sasakyan ngunit bigla itong dumausdus paatras hanggang nahulog sa bangin na tinatayang may lalim na 100 talampakan.
(BETH JULIAN)
