HATAW! D'yaryo ng Bayan hatawtabloid.com
USAPANG album launching pa rin tayo. Bago ang album launching ni Marissa, naunang naglunsad ng kanyang album si Tyrone Oneza, ang Dito Sa ‘King Piling na siya ring carrier single at nilikha ng respetadong composer na si Vehnee Saturno at ipinrodyus ng TYJ Records.
Para sa kaalaman ng marami, bukod sa pagiging recording artist, matagumpay na negosyante at product endorser din si Tyrone ng mga produktong Mega C Vitamins, Aqua Clean Water Purifier and Mineral Water.
Taong 1987 pa nagsimula ang career ni Tyrone bilang isang artista sa pamamagitan ng pelikulangRebelde, sa ilalim ng Buffalo Films. Pagsapit ng dekada 90, nagkasunod-sunod na ang paggawa niya ng movie, kabilang dito ang Leroy-Leroy Sinta, Sumayaw Ka Salome at iba pa. Naging markado naman ang role na ginampanan niya sa pelikulang Siyempre Ikaw Lang, ang Syota Kong Imported.
Madalas naman siyang lumabas noon sa Lunch Date, That’s Entertainment, at ngayon sa Walang Tulugan ni Kuya German Moreno.
Matagal-tagal ding nawala si Tyrone sa showbiz at August last year niya napagpasyahang bumalik sa pamamagitan ng mga show tulad ng Men of Reel at shows abroad. Mula noon, naging aktibo na si Tyrone sa kanyang singing career at binuo na niya ang album na Dito Sa ‘King Piling.
ni Maricris Valdez Nicasio
