HATAW! D'yaryo ng Bayan hatawtabloid.com
MUKHANG masusundan pa ang magpo-prose ngayong taong ito dahil nagpahayag si Toni Gonzaga na handa na rin siyang magpakasal sa kanyang pitong taong nobyo na si Paul Soriano. Hinihintay na lamang daw ni Toni na mag-propose ang director. Kaya hindi totoong engaged na sila ng nobyo niya tulad ng matagal nang nababalita.
“Sabi ko, ngayon, kung darating ‘yong proposal, yayakapin ko ito ng buo at tatanggapin ko. Ngayon wala pa talaga. Akala ng iba oo, pero wala pa,” ani Toni sa Tapatan Ni Tunying na mapapanood bukas, Huwebes (Agosto 27).
Natanong si Toni kung anong edad nais niyang magpakasal, at naisagot nitong, “Nag-30 na ako ngayong taon. Pero hindi pa naman tapos. Malay natin baka sa katapusan ng taon. Nasa punto ako ng buhay ko na handang-handa na ako sa susunod na kabanata ng buhay ko.”
Ilan lamang ito sa mga naisiwalat ni Toni kay Anthony Taberna, kaya tutok lang sa Tapatan ni Tunying bukas, Huwebes (Agosto 28), 4:00 p.m. sa ABS-CBN Kapamilya Gold para malaman pa ang ibang detalye ukol sa pagpapakasal at sa kanyang kapatid na si Alex.
ni Maricris Valdez Nicasio
