HATAW! D'yaryo ng Bayan hatawtabloid.com
TODAS ang isang lalaki nang makipagbarilan sa mga pulis sa isang checkpoint sa Quezon City, kamakalawa ng gabi.
Kinilala sa pamamagitan ng nakuhang driver’s license ang suspek na si Christian Cosian, 29, ng Murang St., Tondo, Maynila.
Si Cosian ay idineklarang dead-on-arrival sa Capitol Medical Center dahil sa tama ng bala ng baril sa katawan.
Sa imbestigasyon ng Quezon City Police District Criminal Investigation and Detection Unit (QCPD-CIDU), naganap ang insidente sa kanto ng Aurora Blvd., corner Lantana St., Brgy. Immaculate Concepcion, dakong 11:30 p.m .
Nagsasagawa ng checkpoint ang mga tauhan ng QCPD Station 10 Kamuning, sa pangunguna ng team leader na si Sr. Insp. Ernesto Santos sa lugar, nang sitahin si Cosian habang sakay ng Yamaha Mio motorcycle (3368-XR).
Ayon sa pulisya, nang lapitan si Cosian, agad bumunot ng baril saka ipinutok kaya gumanti ng putok ang mga pulis na nagresulta sa kanyang kamatayan. (ALMAR DANGUILAN)
