Castro ‘di seryoso ang pilay

DAY-to-day ang estado ng pilay sa kaliwang paa ng pambatong guwardiya ng Gilas Pilipinas na si Jayson Castro.

Sinabi ng assistant coach ng Gilas na si Josh Reyes ay hindi seryoso ang pilay ni Castro.

“No structural damage,” wika ng anak ni Gilas head coach Chot Reyes. “But his Achilles heel is still swelling. His status is day-to-day.”

Napilay si Castro sa laro ng Gilas kontra Euskadi noong isang araw kung saan natalo ang mga Pinoy, 75-66.

Nadapa si Castro nang kinuha niya ang inbound pass mula kay Ranidel de Ocampo dahil sa sobrang dulas ng sahig.

Sa ngayon ay nagsusuot si Castro ng protective boot sa kanyang pilay na paa.

Bukod kay Castro ay may iniinda ring pilay sina Paul Lee at Andray Blatche kaya nahihirapan ang Gilas sa paghahanda nito para sa FIBA World Cup sa Espanya.

ni James Ty III