HATAW! D'yaryo ng Bayan hatawtabloid.com
NATAWA kami sa kilos at komento ng aming kaibigang nanonood at sumusubaybay ng Sana Bukas Pa ang Kahapon sa ABS-CBN2, paano’y kinikilig sa tuwing tumititig si Paulo Avelino kay Bea Alonzo. Kapag ginagawa raw iyon ni Paulo parang s’ya na rin ang tinititigan ng aktor. At makalaglag panty daw kung makatitig ang aktor.
Kaya hindi imposibleng muling manumbalik ang pagtingin ni Rose (Bea Alonzo) kay Patrick (Paulo) dahil talaga namang mapapaibig ka sa ganda ng mga mata niya at pagkakatitig sa iyo. Ito ang kasalukuyang nagaganap sa SBPAK na aminado si Rose na mahal pa rin niya ang asawa.
Paano nga ba makaiiwas si Rose/Emmanuelle kay Patrick kung magkasama sila sa trabahon at panay ang sunod sa kanya ng huli? Iwasan man ni Emmanuelle si Patrick, ito naman ang gumagawa ng paraan para makapag-usap sila.
Nakakaloka naman ang pagkaganid ni Laura (Dina Bonnevie) na gagawin ang lahat para maibigay sa kanya ni Violet (Michelle Vito) ang mana o kayamanan nito.
Lalo namang umiinit ang banggaan nina Sasha (Maricar Reyes) at Rose/Emmanuelle. Bagamat sobra nang galit sa isa’t isa, poise na poise pa rin kapwa sila sa kanilang pagpaparinig ng masasakit na salita. Kumbaga eh, very compose pa rin sila. Pero ang pinakagusto ko rito ay ang magagandang damit na isinusuot ni Rose/Emmanuelle. Para talaga siyang modelo na rumarampa lagi.
Pakatutukan gabi-gabi ang Sana Bukas Pa Ang kahapon sa ABS-CBN2 gabi-gabi, pagkatapos ng Ikaw Lamang.
ni Maricris Valdez Nicasio
