HATAW! D'yaryo ng Bayan hatawtabloid.com
ni Roldan Castro
MAY natanggap kaming direct message sa aming Facebook Account na flop at lugi umano ang promoter ng concert ng sikat na young actor-singer sa Subic. True ba ito?
Guest pa naman niya ang kanyang ka-love team na talaga namang dinudumog ng fans.
May 4,000 daw ang capacity ng venue pero wala pang 500 ang nanood.
Hindi kaya production din ang may pagkukulang sa nangyaring ito?
Baka hindi nai-market mabuti at nai-promote?
Pero, hindi kami makapaniwala na kahit hindi nai-market ‘yan ay hindi niya mapupuno ang venue.
Sa totoo lang, malakas ang hatak ng sikat na young actor sa tao.
Nakagugulat naman na mabalitaang nakatikim siya ng flop na concert. Parang imposible. Feeling nga namin kaya niyang punuin ang Philippine Arena ‘pag siya ang nag-concert, ‘no?
