Ronald Pascual pumasok na sa PBA draft

NAGPALISTA na kahapon si Ronald Pascual para sa PBA Rookie Draft na gagawin sa Agosto 24 sa Robinson’s Place Manila.

Nagdesisyon si Pascual na pumasok na sa draft pagkatapos na nagkausap sila sa kanyang manager na si Dennis Pineda.

Nauna na kasing nakapasok sa PBA ang mga dating kakampi ni Pascual sa San Sebastian College na sina Calvin Abueva at Ian Sangalang.

Nagpalista na rin sa PBA draft sina Matt Ganuelas, Kevin Alas at Jake habang hindi pa nagdesisyon si Garvo Lanete habang sinusulat ito.

“Nag-decide na po ako kasi umakyat na sila lahat. Ako na lang maiiwan,” wika ni Pascual sa panayam ng www.spin.ph.

“I’m about 80 percent sure of joining the Draft,” ani Alas. “But of course, I’m also thinking about the national team program because I’m already in the pool and the program will continue according to Coach Chot (Reyes) after the Asian Games this year.”

Samantala, isa na namang trade ang ginawa ng Globalport nang itinapon nito si Jondan Salvador sa Barako Bull kapalit ni Mark Isip.

Naunang na-trade ng Batang Pier si Eric Menk sa Alaska kapalit ng dalawang second round draft picks. (James Ty III)