Media advocate: Takbo sa tag-ulan tulong sa mga batang lansangan

ISANG makatuturang hagaran sa pinakamalaking rotonda ng  bansa ang magaganap sa Agosto 24, 2014, na layong makatulong sa mga Batang Lansangang may sakit  at media colleague na dina-dialysis.

Ito ang inihayag ng ilang miyembro ng media advocates kaisa ang punong-abala na si Nympha Miano sa 2-in-1 footrace na binansagang  Takbo sa Tag-ulan, na may temang “ Tayo na, Takbo Tayo, Tumulong at Mag-ehersisyo habang umuulan,” na tatampukan ng 5-km at 10-km distansiya sa paligid ng Quezon Memorial Circle ng Elliptical Road, Lungsod Quezon.

Magsisitanggap ng event medals ang unang 50 kalahok na tatawid ng meta kung saan ang magkakampeon sa dalawang ruta ay P3,000, 2nd place ay P2,000 at P1,000  ang para sa 3rd    place na itinataguyod ng Best Herbal Oil, Yamaha, Goldilocks at MyPhone.

Sa isang grupo, na binubuo ng sampung mananakbong magpapatala sa kategoryang 5-km. (P550) at 10-km. (P600)  na distansiya ay  libre ang isa na may kasamang singlet. Para sa iba pang impormasyon, makipagtalastasan sa 0930-2550776 / 0932-3971285 o mag-email sa [email protected] nang maging kaagapay sa pagtulong sa mga Batang Lansangan.

(HENRY T. VARGAS)