Misis umayaw 8-anyos anak biniyak ni mister

“Aray Papa, masakit!” Ito ang narinig ng isang ginang nang maaktohan habang hinahalay ng kanyang mister ang 8-anyos nilang anak na babae kamakalawa ng madaling-araw sa Malabon City.

Kulong ang suspek na kinilalang si Aldrin Tacay y Bayot, 34, construction worker, ng Pitong Gatang St., Brgy. Dampalit.

Nahaharap sa kasong rape in relation to R.A. 7610 (Anti-Child Abuse), nakapiit sa detention cell ng Malabon Police.

Batay sa ulat ng Women and Children Protection Desk (WCPD) ng Malabon Police, dakong 2:30 a.m. nang maganap ang insidente sa loob ng kanilang bahay.

Salaysay ng ginang, nang dumating sa kanilang bahay ang kanyang asawa ay agad siyang niyaya na sila ay magtabi ngunit tumanggi siya dahil lasing ang suspek.

Humantong ito sa kanilang mainitang pagtatalo hanggang magpasya ang ginang na lumabas kaya naiwan ang mag-ama sa bahay.

Pagbalik ng ginang ay nagulantang nang maaktohan ang asawa habang ginagahasa ang kanilang anak.

ni ROMMEL SALES