HATAW! D'yaryo ng Bayan hatawtabloid.com
ni Roldan Castro
PUMUPUTOK ngayon ang tsikang may lihim na selos si Aljur Abrenica sa treatment ng GMA Artist at ng network kay Alden Richard samantalang nauna naman daw siya. Naunahan din siya ni Alden na maging leading lady ang Primetime Queen na si Marian Rivera at ngayon naman ay co-host siya ng Songbird na si Regine Velasquez sa isang reality-talent search program.
Bagamat magkaibigan sila, how true na nararamdam umano ni Aljur na mas pinapaboran at inaasikaso ng management ang mabait at ma-pr na si Alden?
Kung true eto, teka lang, hindi ba tinanong ni Aljur kung ano rin ang pagkukulang niya bilang isang talent?
Actually, hindi naman siya nawawalan ng project at nagkasunod-sunod din ang serye niya na lead?
Hindi rin masisisi ang management kung bakit pinapasikat nila si Alden dahil walang attitude sa trabaho, marunong umarte, walang yabang, at hindi paimportante sa sarili. Marunong din makinig si Alden sa mga payo at criticism sa kanya. Higit sa lahat talented si Alden at may karapatan din na maging Primetime Prince ng GMA.
How true na pati sa pelikula nilang Cain at Abel daw ay mas pinaboran ang role ni Alden kaysa kay Aljur kaya hinihingi ni Aljur ang buong script? Balitang inire-revise ngayon ang script.
“Kaibigan ko po si Alden. Hindi ako puwedeng mainggit sa kapuwa ko artista. Kanya-kanyang diskarte lang naman ‘yan. Kung mas sinuwerte siya kaysa akin, that’s life. Kung ‘di ukol, ‘di bubukol,” deklara naman ni Aljur nang makausap ni ‘Nay Alfie Lorenzo.
So, saan nagmumula ang isyung nai-insecure siya kay Alden?
