Trike driver nangisay sa ibabaw ng bebot

PATAY ang isang tricycle driver nang atakehin sa puso habang nakikipagtalik sa isang babae sa loob ng isang motel sa Marikina City kamakalawa ng gabi.

Kinilala ni Marikina City Police chief, S/Supt. Vincent Calanoga ang biktimang si Nestor Cruz alyas Erning, 45, hiwalay sa asawa, at residente ng #7 M.H. Del Pilar St., Brgy. Calumpang ng nasabing lungsod.

Sa ulat ng pulisya, naganap ang insidente dakong 10 p.m. sa isang motel sa #23 Martilyo St., Brgy. San Roque, Marikina City.

Napag-alaman, nag-check-in sa nabangit na motel ang biktima kasama si Marife Julaton, 41, ngunit habang nasa kalagitnaan ng pagtatalik ay biglang nangisay si Cruz at hindi na makahinga.

Agad humingi ng tulong sa mga empleyado ng motel ang ginang at isinugod sa Amang Rodriguez Medical Center si Cruz ngunit hindi na umabot nang buhay.

Ayon kay Julaton, bago sila nagtalik ay uminom ang biktima ng dalawang bote ng Robust Energy Drink.

Habang sinabi ng mga kaanak ng biktima na si Cruz ay may sakit sa puso at diabetes.

(MIKKO BAYLON)