Gregorio inilipat ng puwesto

MANANATILI si Ryan Gregorio sa Meralco kahit sinibak na siya bilang coach ng Bolts at pinalitan siya ni Norman Black.

Kinompirma ni PBA chairman Ramon Segismundo na si Gregorio ay magiging alternate governor ng Bolts sa Board of Governors ng liga.

Bukod dito, si Gregorio ay assistant vice-president ng sports at youth advocacy ng Meralco, isang puwestong ibinigay sa kanya bukod sa pagiging head coach nang siya’y umalis sa Purefoods noong 2009.

Kusang nagbitiw si Gregorio pagkatapos na inamin niyang palpak ang Meralco sa huling PBA season kung saan hindi umabot ang Bolts sa semifinals ng lahat ng mga komperensiya.

Si Jong Uichico naman ay magiging kapalit ni Black sa paghawak ng Talk n Text.

Samantala, ang dating team manager ng Meralco na si Butch Antonio ay magiging deputy executive director ng Samahang Basketbol ng Pilipinas habang si Paolo Trillo ay magiging bagong team manager ng Bolts. (James Ty III)