HATAW! D'yaryo ng Bayan hatawtabloid.com
ni Roldan Castro
MASUWERTE sa career si Daniel Padilla dahil maka-pamilya. Nandoon ‘yung hangarin niya na bigyan ng ginhawa ang kanyang ina—si Karla Estrada at mga kapatid.
Nakita naman talaga ‘yung pagpupurisige ni Karla na mabuhay sila at ipangutang ang pang-tuition nila noong araw.
Pero ngayon donyang-donya na si Karla. Nakapagpatayo pa si Daniel ng magarang bahay para sa kanila.
Hindi mo iisipin na noon ay na-experience nila na maputulan ng koryente dahil kinapos sa pambayad. Isa ito sa rebelasyon ni DJ sa Star Studio, July edition. Nakita raw niya sa kuwarto na pawisan si Karla at pinapaypayan ang mga kapatid niyang sina Magui at Lelay.
Nagdasal daw si Daniel noon na tulungan siya at ayaw na niyang ma-experience ng mga kapatid niya ang ganoon.
Tingnan mo naman, pinagpapala ang career ni DJ dahil mabuti siyang anak at kapatid. Sana lalo pa siyang suwertehin at tangkilikin ang bago niyang pelikula na She’s Dating The Gangster with Kathryn Bernardo na showing sa July 16.
