HATAW! D'yaryo ng Bayan hatawtabloid.com
ni Roldan Castro
NOONG huling makapanayam namin si Toni Gonzaga sa Home Sweetie Home, naiinip na siya sa paglabas ni Alex Gonzaga sa PBB All In. Sobrang tahimik daw ngayon ang bahay nila dahil sa pagkawala ni Alex. Parang mini-library.“Eh, kasi, kapag nasa bahay ‘yun, kumakanta ‘yun o may naglalakad ng naka-bra at panty o kung ano-ano ang ginagawa,” sey ni Toni.
Pero proud din siya sa kapatid niya sa ginagawa nito sa PBB house at natutong mag-sorry ng personal. Dati raw kasi sa text lang ito nagso-sorry.
Actually si Mommy Pinty lang ang nakaaalam kung kailan lalabas si Alex sa PBB. Kahit nga ang daddy nila ay gusto nang palabasin si Alex sa PBB house.
Ayaw din daw sabihin ni Direk Lauren Dyogi kay Toni kung kailan lalabas si Alex. Nginitian lang daw siya.
Kuwento nga ni Toni parang gusto na ring lumabas ni Alex. ”Actually, nagsasabi na raw, sa confession room na, ‘Kuya, ang tagal ko na rito.’ Pero, sabi ni Kuya, sa takdang panahon daw.”
Samantala, bukod sa PBB All In, napapanood din siya sa Home Sweetie Home tuwing Sabado.
May mare-realize si Toni sa darating na episode sa buhay, hindi natin alam kung kailan darating ang pagsubok. Pinoproblema niya ang nagkukulang na tubig sa buong Maynila. Apektado na rin sila sa Global Warming dahil kulang ang water supply sa Barangay Puruntong. Isang araw, ibabalita na mawawalan ng tubig ang buong barangay, kaya nag-panic sina Julie. Buti na lang parang boy scout ang kanyang asawang si Romeo (John Lloyd Cruz) dahil lagi itong handa. Nag-ipon ito ng tubig pero makikita nilang ginamit lang ito sa maling paraan. Ang mas malala, hindi nakapaghanda ang buong pamilya. Paano kaya nila magagawan ng solusyon ang problemang hindi nila handang harapin? Alamin sa Home Sweetie Home, na mapapanood tuwing Sabado simula ngayong Mayo 24 ng 6:00 p.m.. Huwag palampasin ang lahat ng ibang mga Kapamilya comedy show dahil nandiyan din ang Banana Split: Extra Scoop tuwing Sabado pagkatapos ng Maalaala Mo Kaya, Banana Nite tuwing weekdays pagkatapos ng Bandila, LUV U tuwing Linggo pagkatapos ng ASAP 19, atGoin’ Bulilit tuwing Linggo pagkatapos ng TV Patrol Weekend.
