HATAW! D'yaryo ng Bayan hatawtabloid.com
ni Maricris Valdez Nicasio
AMINADO si Ruffa Gutierrez na bumata siya dahil sa Maybe This Time” na gumaganap siya bilang ka-love triangle nina Coco Martin at Sarah Geronimo.
“Kaeksena ko sina Coco at Sarah. Nakaka-bagets, ‘di ba? Hindi naman ako nanay ni Coco, hindi naman ako tita ni Sarah. Nakaka-teenager lang ang peg,”ani Ruffa sa isqng interbyu sa kanya.
Hindi rin itinago ni Ruffa ang lubos niyang paghanga sa talento ni Coco sa pag-arte kaya naman nag-click ang tandem nila kahit pa mas higit ang edad niya sa aktor.
“Napakasuwerte ko dahil napakahusay na artista ni Coco kasi nagkaroon kami ng rapport agad at makikita agad ‘yun sa big screen,” sabi pa ni Ruffa na siyang totoo dahil guwapong-guwapo si Coco sa Maybe This Time kaya hindi alangan sa kagandahan ng aktres.
Samantala, binabati namin ang Star Cinema at Viva Films dahil bukod sa nadagdagan pa ang bilang ng mga sinehang nagpapalabas nito, tumabo agad ang pelikula sa unang araw na pagpapalabas sa mga sinehan.
Balita nami’y umabot sa P20-M ang kinita ng Maybe This Time sa first day showing pa lamang nito. Kina Coco, Sarah, at Ruffa gayundin sa bumubuo ng Maybe This Time, congratulations!
