HATAW! D'yaryo ng Bayan hatawtabloid.com
Maricris Valdez Nicasio
VERY proud si Direk Jerry Sineneng sa kinalabasan ng pelikulang Maybe This Time nina Coco Martin at Sarah Geronimo. Bukod kasi sa walang naging sagabal habang ginagawa nila ang pelikulang mapapanood na ngayong araw mula sa Star Cinema at Viva Films, naipalabas niya ang konseptong nais niyang ihatid sa mga manonood.
First time makatrabaho ni Direk si Sarah samantalang si Coco ay naging magkatrabaho na sila sa Walang Hanggan ng ABS-CBN. Kaya kumbaga, sanay na sa kanya si Coco.
Ani Direk Jerry, magaan katrabaho kapwa sina Coco at Sarah. Puring-puri niya kapwa ang galing ng dalawa at very smooth ang naging takbo ng kanilang shooting.
Sa kabilang banda, nais naming batiin ang bumubuo ng Maybe This Time dahil Graded B ito ng Cinema Evaluationa Board.
Napag-alaman din naming ipalalabas ngayong araw ang Maybe This Time sa may 157 cinemas nationwide. Ang taray ‘di ba?! Usually 100 cinemas lang ang madalas na nagpapalabas ng isang magandang pelikula. Pero sa movie na ito, mahigit pa sa 100. Kaya go na tayo mga Kapamilya at manood ng Maybe This Time.
