Mirabella, patok sa televiewers!

Maricris Valdez Nicasio

NABIGHANI na ang buong bayan sa kakaibang ganda ng top-rating at Twitter-trending fantaserye ng ABS-CBN na Mirabella. Pinatunayan ito ng all-time high national TV rating na 22.6% na nakamit ng programa noong Huwebes (Mayo 22), na itinampok sa kuwento ang sagutan sa eskuwelahan nina Mira (Julia Barretto) at Iris (Mika dela Cruz).

Ayon nga sa datos ng Kantar Media, halos siyam na puntos ang lamang ng naturang episode ng Mirabella kompara sa nakuha ng katapat na programa ng GMA na My Love From The Star (13.9%).

Samantala, tiyak na lalong kapananabikan ng mga manonood ang pagpapatuloy ng kuwento ng Mirabella ngayong nagsisimula nang guluhin ni Mira ang pamilya ng kanyang amang si Alfred (James Blanco) sa pamamagitan ng katauhan ni Bella. Hanggang kailan maitatago ni Mira sa lahat na siya rin ang misteryosang dalaga na si Bella? Mapagtatagumpayan ba niya ang plano na maghiganti laban kina Alfred, Olive (Mylene Dizon), Iris, at Terrence (Sam Concepcion)?

Huwag palampasin ang fantaseryeng babago sa kahulugan ng tunay na kagandahan, Mirabella gabi-gabi, bago mag-TV Patrol sa Primetime Bida ng ABS-CBN.

Para sa karagdagang impormasyon kaugnay ng Mirabella bisitahin lamang ang official social media accounts ng programa sa Facebook.com/MirabellaOnline at Twitter.com/MirabellaOnline.