Pinakaseksing babae sa mundo

NAUNGUSAN ni Jennifer Lawrence si Mila Kunis para tanghalin bilang pinakaseksing babae sa mundo.

Sinungkit ng Hollywood actress ang top spot sa poll ng British magazine na FHM para sa Sexiest Women in the World ngayong 2014. Ito ang kauna-unahang pagkakataon na makuha ang titulo ng isang Academy Award-winning actress. Bumagsak naman sa ikaanim na baytang si Kunis, na nagwagi ng nasabing titulo nitong nakaraang taon.

“Congratulations to Jennifer,” pagbati ni FHM Sexiest editor Dan Jude. “Run away siya sa titulo ngayong taon at hindi naman nakagugulat na mapanalunan niya ito.”

Nakopo ng Hunger Games star ang pinakamaraming boto hindi lamang dahil sa kanyang ‘drop-dead’ na kaganda-han kundi dahil na rin sa kanyang girl-next-door charm. Ang tubong Kentucky na aktres ay tinuturing na isa sa pinakamalaking pa-ngalan sa Hollywood, at nag-starring role sa mga pelikulang tulad ng American Hustle, ang The Hunger Games franchise at Silver Linings Playbook.

“Hindi lamang siya ang pinaka-in-demand na aktres, halos lahat ng mga lalaki sa iba’t ibang panig ng mundo ay na-in love sa kanya,” dagdag ni Jude.

Ilan pang napasama sa Top 10 ay sina Rihanna sa ikatlong spot, model Emily Ratajkowski sa ikaapat, Beyoncé Knowles sa ikapito, Nicole Scherzinger sa ika-siyam, at Avengers star Scarlett Johansson sa ika-sampu.

Kinalap ni Tracy Cabrera