Marian, original ang lahat ng parte ng katawan — Dra. Vicky

ni  Maricris Valdez Nicasio

MASAYANG-MASAYA si Dra. Vicky Belo noong Huwebes nang ipakilala nila ng kanyang anak na si Cristalle Henares sa entertainment press ang pinakabago nilang endorser para sa Belo’s Summer Campaign, ang Laser Hair Removal at Venus Freeze, si Marian Rivera.

Sa ganda ni Marian, masasabing wala nang dapat ayusin pa sa kanya. At ito rin ang nasabi ni Dra. Vicky, na dapat lang ay panatilihin lang iyon na maganda.

Iginiit din ni Dra. Vicky na walang ipinaretoke sa kagandahang nakikita ng publiko ngayon sa aktres. Ineksamin daw kasi niya ang buong katawan ni Marian at lahat ng nakita niya’y original.

Kaya naman nang matanong si Marian kung anong bahagi ng katawan niya ang hindi siya kuntento, ang sagot nito’y, “Sa araw-araw na paggising ko ay thankful ako sa nakikita ko sa salamin. Confidence!”

Bagamat walang ipinaretoke, hindi naman isinasara ni Marian ang posibilidad na mapapayag siya sa cosmetic surgery kapag nagka-edad na siya. “Very open ako diyan. Naniniwala kasi ako na ang babae, kailangan inaalagaan ang sarili,” ani Marian.

Pero magpaparetoke lang daw siya hindi dahil may kailangang tanggaling o ayusin, kundi kung gaano kamahal ang sarili dahil kailangang presentable lagi lalo na sa minamahal.

Samantala, Paborito namang body procedure ni Marian ang Laser Hair removal na ginagawa niya para sa kanyang underarms, legs, at bikini area na MUST ngayong summer to keep her looking fabulous and gorgeous kapag naka-bikini na siya. Ang Venus Freeze naman ay ginagawa upang maging firm at toned ang mga bahagi ng katawan.