Performance ng mga artista sa Ikaw Lamang, pinupuri, pinag-uusapan, nagti-trending!

ni  Maricris Valdez Nicasio

MARAMI ang pumupuri sa galing ng mga bida at nagsisiganap sa Ikaw Lamang. Maramirin ang sumusubaybay dito dahil sa ganda ng takbo ng istorya nito kaya hindi lamang number one teleserye ngayon ang Ikaw Lamang, trending topic din ito gabi-gabi dahil sa galing nga ng performance ng casts.

Sa totoo lang, this is one teleserye na bawat galaw ng karakter ay pinag-uusapan. Lahat ng mga karakter ay nagsa-shine at pinupuri. Kaya hindi nakapagtataka kung maging sapalengke, grocery, school, at mga opisina ay pinag-uusapan ang mga karakter ‘tulad nina Samuel, Isabelle, Franco, at Mona. Pati ang mga senior cast nito ay nakatitikim din ng papuri they have never experience before.

Kasi naman, tunay namang napakahusay nina John Estrada, Angel Aquino, Ronaldo Valdez, Cherry Pie Picache, Cheri Gil, at Tirso Cruz III.

Consistent sa trending topic si Mona (Julia Montes) at si Franco (Jake Cuenca). Si Jake nga ay pinupuri ng senior co-stars niya sa mahusay niyang pagganap.

Ikaw Lamang is one teleserye in primetime na consistent ang story, performance ng cast at ganda ng buong production. Kung cast na ng Ikaw Lamang, hindi puwedeng petiks dahil tiyak na lalamunin ka ng ibang cast sa pansitan.

Sa husay ng lahat ng cast ng Ikaw Lamang, tiyak na sila-sila rin ang maglalaban-laban sa acting awards for TV sa susunod na awards season.