HATAW! D'yaryo ng Bayan hatawtabloid.com
ni Maricris Valdez Nicasio
IBANG klase talaga ang hatak ng master teleserye na Ikaw Lamang nina Coco Martin, Jake Cuenca, Julia Montes, at Kim Chiu, dahil pati ang album nito ay sobrang pumatok sa publiko.
Sold out agad ang lahat ng kopya ng official soundtrack ng top-rating series na Ikaw Lamang matapos dumugin ng libo-libong fans ang ginanap na grand album launch nito kamakailan sa Trinoma Activity Center. Umapaw ang saya at musika sa mga sopresang inihatid sa fans ng Ikaw Lamang stars at Kapamilya singers na sina Erik Santos, Angeline Quinto, Jovit Baldivino, at Marion Aunor.
Samantala, tiyak na lalong mapapaibig ang TV viewers sa Ikaw Lamang ngayong umamin na sina Samuel (Coco) at Isabelle (Kim) sa nararamdaman nila para sa isa’t isa. Maipaglalaban ba nina Samuel at Isabelle ang kanilang espesyal na relasyon sa kanilang mga pamilya? Ano ang kanilang gagawin sa oras na paghiwalayin silang dalawa at pilit ipakasal si Isabelle sa kababata niyang si Franco (Jake)? Huwag palampasin ang master teleseryeng Ikaw Lamang gabi-gabi, pagkatapos ng Dyesebel sa Primetime Bida ng ABS-CBN.
