HATAW! D'yaryo ng Bayan hatawtabloid.com
ni Maricris Valdez Nicasio
MASASANGKOT sa isang malaking gulo ang mga karakter ng Kapamilya teen star na sinaSharlene San Pedro, Jairus Aquino, at Francis Magundayao ngayong Sabado (Marso 29) sa pagpapatuloy ng Wansapanataym Presents Si Lulu at Si Lily Liit.
Dahil sa pagkawala ng kapatid, hihingin ni Lulu (Sharlene) ang tulong ng kaibigang si Adrian (Francis) upang mabawi nila si Lily (ginagampanan din ni Sharlene) mula kay Harvey (Jairus).
Paano maaapektuhan ng kambal ang relasyon ng magkapatid ding sina Adrian at Harvey? Tuluyan na bang mawawalan ng pag-asa na magkaayos ang dalawa sa oras na saktan ni Harvey si Adrian?
Tampok din sa Si Lulu at Si Lily Liit sina Paul Salas, Desiree del Valle, Assunta de Rossi, John Lapus, Ron Morales, John Medina, JB Agustin, at Nikki Bagaporo. Ito ay sa ilalim ng panulat ni Noreen Capili at idinirehe ni Manny Palo.
Huwag palampasin ang Best Development-Oriented Children’s Program ng 2014 Gandingan Awards, Wansapanataym, pagkatapos ng Bet On Your Baby sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
