HATAW! D'yaryo ng Bayan hatawtabloid.com
ni Maricirs Valdez Nicasio
HINDI kataka-takang nabihag agad ng Mira Bella nina Julia Barretto at Enrique Gil ang puso ng mga manonood sa pag-arangkada nito noong Lunes, Marso 24. Pumalo kasi agad ang pilot episode ng fantaserye dahil sa naiibang ganda ng kuwento.
Base sa datos mula ng national TV ratings sa Kantar Media noong Lunes (Marso 24), agad nitong binihag ang puso ng mga manonood. Nakakuha ng 22% o mahigit doble ng nakuha sa katapat nitong programa sa GMA na Paraiso Ko’y Ikaw na mayroon lamang 10%.
Bukod sa ratings, panalo rin ang serye nina Julia at Enrique sa mga sikat na social networking site tulad ng Twitter na naging number one worldwide trending topic ang hashtag na #TheStoryOfMirabella.
Umpisa pa lamang ‘yan, tiyak na lalong mapapaibig ang buong sambayanan sa kuwento ng Mira Bella na isinilang na ang anak nina Daisy (Dimples Romana) at Alfred (James Blanco) na si Mira. Ano pa kaya ang gagawin nina Osang (Pokwang) at Paeng (John Lapus) nang nalamang minana ni Mira ang sumpang ibinigay ni Olive (Mylene Dizon) kay Daisy? Kaya ba nila itong palakihin na puno ng pagmamahal sa kabila ng pagtalikod ng kanyang ama at pagkawala ng kanyang ina?
Kaya huuwag palalampasin ang teleseryeng babago sa kahulugan ng tunay na kagandahan, Mira Bella, gabi-gabi, bago mag-TV Patrol sa Primetime Bida ng ABS-CBN.
