Koreano tumalon sa condo, dedo

BIYAK ang ulo at nagkalat ang utak ng isang 35-anyos Koreano nang mag-ala superman na tumalon mula sa 24 floor ng condominium sa Mandaluyong City kahapon ng umaga .

Kinilala ng Mandaluyong PNP ang biktimang si Han Jack Young, musician, nakatira sa unit 240 C, G.A. Tower-1, EDSA corner Boni Avenue, Brgy. Malamig sa lungsod.

Ayon kay Han Jung Ah, live-in partner ng biktima, magkatabi silang nakahiga sa inuupahang condo nang biglang lumabas ng kwarto ang malungkot na Koreano dakong 5:20 am saka nagtungo sa terrace.

Ilang minuto ang lumipas biglang namatay ang ilaw sa kwarto kaya lumabas ng silid ang babae upang alamin ang dahilan ng brownout.

Nang buksan niya ang bintana ay nakita niyang nakabulagta sa EDSA ang biktima.

Aniya, kaya namatay ang ilaw ay dahil sumabit ang biktima sa kawad ng koryente nang tumalon mula sa ika-24 palapag ng condominium, bago bumagsak sa kalsada.

Naniniwala si Jung Ah na dahil sa kawalan ng trabaho sa nakaraang tatlong taon ang dahilan ng pagpapakamatay ng biktima.

ni ED MORENO